शासकीय कर्मचाऱ्यांसाठी एक आनंदाची बातमी आहे. 8 व्या वेतन आयोगाबाबत असल्याची चर्चा आहे. जर 8वा वेतन आयोग लागू झाला तर केंद्रीय कर्मचाऱ्यांच्या पगारात मोठी वाढ होईल.
7 व्या वेतन आयोगाअंतर्गत कर्मचाऱ्यांचे मूळ वेतन 18,000 रुपये आहे. पगार ठरवण्यात फिटमेंट फॅक्टर मोठी भूमिका बजावते. सुधारित मूळ वेतनाची गणना फिटमेंट फॅक्टरच्या आधारे जुन्या मूळ वेतनातून केली जाते. वेतन आयोगाच्या अहवालात फिटमेंट फॅक्टर ही महत्त्वाची शिफारस आहे.
किमान मूळ वेतन याप्रमाणे वाढेल
7व्या वेतन आयोगाच्या शिफारशींमध्ये फिटमेंट फॅक्टर 2.57 पट ठेवण्यात आला होता. या आधारे केंद्रीय कर्मचाऱ्यांच्या वेतनात सुधारणा करण्यात आली. आकडेवारीवर नजर टाकली तर सातव्या वेतन आयोगात सर्वात कमी पगारवाढ देण्यात आली होती. मात्र, मूळ वेतन 18000 रुपये करण्यात आले.
8 व्या वेतन आयोगात फिटमेंट फॅक्टर 3.68 पट वाढवला जाऊ शकतो अशी चर्चा आहे. अशा परिस्थितीत किमान वेतन 18 हजार रुपयांवरून 26 हजार रुपयांपर्यंत वाढू शकते.
8 वा वेतन आयोग कधी येणार ?
8 वा वेतन आयोग येणार की नाही हा सर्वात मोठा प्रश्न आहे. याबाबत दोन वेगवेगळ्या चर्चा आहेत. सरकारी सूत्रांवर विश्वास ठेवायचा झाल्यास, सरकार यापुढे पुढील वेतन आयोगाचा विचार करणार नाही. त्याच वेळी, तज्ञांचे मत आहे की असे करणे शक्य नाही. आता एक यंत्रणा तयार करण्यात आली आहे. ती व्यवस्था अचानक संपवता येत नाही. दुसरे मोठे कारण म्हणजे 8 वा वेतन आयोग येण्यास अजून वेळ आहे. पुढील वेतन आयोगाची टाइमलाइन 1 जानेवारी 2026 पासून लागू होऊ शकते.