Driving licence new rule : ड्रायव्हिंग लायसन्स मिळवण्यासाठी आरटीओ ऑफिस ला तासन तास बसाव लागते त्यामुळे आपला खूप वेळ वाया जातो.
परंतु आता सरकारी प्रादेशिक परिवहन कार्यालयात (RTO) व्यक्तींना ड्रायव्हिंग चाचणी देण्याची गरज नाही. त्याऐवजी खासगी संस्थांना आता चाचण्या घेण्यास आणि प्रमाणपत्र देण्यास अधिकृत करण्यात आले आहे की, ते प्रशिक्षणार्थींना ड्रायव्हिंग लायसन्स देऊ शकतात. हे नियम 1 जून 2024 पासून लागू होतील.
नवीन नियमानुसार अल्पवयीन व्यक्ती वाहन चालविताना पकडली गेल्यास, त्यांना 25 हजार रुपये दंड भरावा लागेल. तसेच वाहनमालकाचे वाहन नोंदणी प्रमाणपत्र / ड्रायव्हिंग लायसन्स रद्द केले जाईल आणि वयाच्या 25 व्या वर्षापर्यंत अल्पवयीन मुलांना परवाना मिळू शकणार नाही.
नवीन चालक परवान्यासाठी आवश्यक त्या कागदपत्रांमध्येही बदल केले आहेत. तसेच दुचाकी आणि चारचाकी वाहनचालकांच्या परवान्यांमध्येही गरजेनुसार बदल करण्यात आले आहेत. त्यामुळे अर्ज प्रक्रिया आता सुलभ होणार आहे.
खासगी वाहनचालक प्रशिक्षण केंद्रांसाठी नवीन नियम
- खासगी दुचाकी वाहनचालक प्रशिक्षण केंद्राकडे किमान 1 एकर जमीन असणे आवश्यक आहे.
- खासगी चारचाकी मोटार वाहनचालक प्रशिक्षण केंद्राकडे अतिरिक्त 2 एकर जमीन आवश्यक आहे.
- वाहनचालकाच्या चाचणीसाठी आवश्यक त्या सुविधा खासगी वाहनचालक प्रशिक्षण केंद्राकडे असणे आवश्यक आहे.
- प्रशिक्षकांकडे किमान हायस्कूल डिप्लोमा असणे आवश्यक आहे. त्याव्यतिरिक्त प्रशिक्षकांकडे किमान 5 वर्षांचा वाहन चालविण्याचा अनुभव असणे आवश्यक आहे.
- प्रशिक्षकांना बायोमेट्रिक्स आणि माहिती तंत्रज्ञान प्रणालीशी संबंधित मूलभूत गोष्टी परिचित असणे आवश्यक आहे.
विविध प्रकारच्या वाहनचालक परवान्यासाठी शुल्क
- शिकाऊ परवाना – 200/- रुपये
- शिकाऊ परवाना नूतनीकरण – 200/- रुपये
- आंतरराष्ट्रीय परवाना – 1000/- रुपये
- कायमस्वरूपी परवाना – 200/- रुपये
अर्जाची ऑनलाईन पद्धतीने प्रक्रिया
- ऑनलाईन अर्ज करण्यासाठी https://parivahan.gov.in या अधिकृत संकेत स्थळावर जा.
- पुढे होम पेज वर apply for driving license या पर्यायावर क्लिक करा.
- पुढे ड्रायव्हिंग लायसन्स संबंधी अर्ज फॉर्म उघडेल यामध्ये तुमची मागितलेली सर्व माहिती नमूद करा.
- त्यानंतर पुढे आवश्यक कागदपत्रे अपलोड करा.
- सर्व अर्ज प्रक्रिया पूर्ण केल्यानंतर तुमच्या आरटीओ ऑफिसला भेट द्या. त्यानंतर तुमची सर्व कागदपत्रे आणि आवश्यकता पात्रतेची तपासणी होईल आणि पुढील कार्यवाही केली जाईल.