7th pay commission DA Hike : जर तुम्ही सरकारी कर्मचारी असाल तर ही बातमी तुमच्यासाठी खास आहे. जुलै महिन्यात सर्व कर्मचाऱ्यांना महत्त्वाचा फायदा होणार आहे. या महिन्यात तुमचा पगार वाढणार आहे आणि महागाई भत्त्यातही वाढ होईल. हा लाभ सर्व स्तरावरील कर्मचाऱ्यांना मिळणार आहे.
केंद्र सरकारच्या पेन्शनधारकांचा महागाई भत्ता (DA) वर्षातून दोनदा वाढवला जातो. अशा परिस्थितीत, 4 जूननंतर सत्तेवर येणारे नवे सरकार केंद्रीय कर्मचाऱ्यांना आनंदाची बातमी देणार आहे. जुलै महिन्यात कर्मचाऱ्यांचा महागाई भत्ता आणि पगार वाढणार आहे. 7 व्या वेतन आयोगानुसार सरकार कर्मचाऱ्यांचा पगार आणि महागाई भत्ता वर्षातून दोनदा वाढवते.
महागाई भत्ता (DA) किती वाढणार?
जानेवारी महिन्यात सरकारने DA मध्ये ४ टक्के वाढ केली होती. यामुळे कर्मचाऱ्यांचा DA 50 टक्के झाला. अशा परिस्थितीत सरकार जुलै महिन्यात DA मध्ये आणखी 4 टक्के वाढ करेल, अशी अपेक्षा आहे. उदाहरणार्थ, जर एखाद्या कर्मचाऱ्याचा मासिक पगार 50,000 रुपये असेल, तर त्याचा महागाई भत्ता 2,000 रुपये असेल. जुलैमध्ये DA आणि पगार वाढल्यानंतर भत्त्यांमध्येही वाढ होईल. यामुळे महागाईपासून काहीसा दिलासा मिळेल.
पगार किती वाढणार
केंद्र सरकार दरवर्षी आपल्या कर्मचाऱ्यांच्या पगारात 3 टक्के वाढ करते. अशा परिस्थितीत, 50 हजार रुपये मासिक पगार असलेल्या कर्मचाऱ्यांच्या पगारात 1500 रुपयांची वाढ होईल. म्हणजेच, 50 हजार रुपये पगार असलेल्या कर्मचाऱ्यांना 1500 रुपयांची पगारवाढ आणि 2 हजार रुपये महागाई भत्ता मिळू शकतो.